🌳 वटपौर्णिमेनिमित्त उल्हासनगरात महिलांसाठी वडाची प्रतिकृती व विशेष वटपूजनाची सोय 🌳
— समृद्धी सामाजिक संस्था व लालगड शाखेचा संयुक्त उपक्रम!

उल्हासनगर प्रतिनिधि: नीतू विश्वकर्मा

दि. 10 जून 2025 —
समृद्धी सामाजिक संस्था आणि लालगड शाखा यांच्या संयुक्त विद्यमाने दरवर्षीप्रमाणे याही वर्षी वटपौर्णिमेच्या निमित्ताने महिलांसाठी विशेष धार्मिक उपक्रमाचे आयोजन करण्यात आले आहे.

लालचक्की चौक, स्टेशन रोड, उल्हासनगर-4 येथे मंगळवार, दि. 10 जून 2025 रोजी “प्रदक्षिणेसाठी वडाच्या झाडाची प्रतिकृती उभारणी आणि वटपूजन” या कार्यक्रमाचे आयोजन करण्यात आले आहे.

उपक्रमाचे वैशिष्ट्ये पुढीलप्रमाणे:
🔹 वेळ: पहाटेपासून अगमाण होईपर्यंत
🔹 स्थळ: लालचक्की चौक, स्टेशन रोड, उल्हासनगर-4

🔸 महिलांसाठी मूळ वडाच्या झाडाची प्रतिकृती उभारून वटपूजन व प्रदक्षिणेची विशेष व्यवस्था
🔸 थंड पिण्याच्या पाण्याची मोफत सुविधा
🔸 वटपूजनासाठी ब्राह्मणांची (भटजींची) विशेष व्यवस्था
  ▪️ ब्राह्मण उपलब्ध वेळ: सकाळी 11.00 ते सायंकाळी 4.00

या कार्यक्रमाच्या माध्यमातून महिलांना पारंपरिक व धार्मिक संस्कृतीचे पालन करता यावे व त्यांना आवश्यक सर्व सोयीसुविधा एका ठिकाणी मिळाव्यात, हा या उपक्रमामागचा उद्देश असल्याचे आयोजकांनी सांगितले.

अँड. प्रदीप कुसुम कारभारी गोडसे (जिल्हा उपाध्यक्ष) व सौ. मनीषा प्रदीप गोडसे (प्राध्यापिका) यांनी सर्व माता-भगिनींनी मोठ्या संख्येने उपस्थित राहून या सोयीचा लाभ घ्यावा, असे आवाहन केले आहे.

— समाप्त —
📞 संपर्क: 9665444445