🔷 कोकण प्रभारींचा उल्हासनगर दौरा : काँग्रेस जनता निवारण कक्षाचे उद्घाटन, स्थानिक प्रश्नांवर आंदोलनाचे संकेत

उल्हासनगर : नीतू विश्वकर्मा

अखिल भारतीय काँग्रेस पक्षाचे सचिव व कोकण विभागाचे प्रभारी श्री यू. बी. व्यंकटेश यांनी नुकताच उल्हासनगरचा दौरा केला. या दौऱ्यात त्यांनी काँग्रेसच्या स्थानिक पदाधिकाऱ्यांची बैठक घेऊन महानगरपालिका निवडणुकीच्या पार्श्वभूमीवर संघटनात्मक आढावा घेतला आणि दिशा दिली.

या बैठकीस महाराष्ट्र काँग्रेसचे महासचिव गुरुबिंदरसिंग बच्चर आणि सचिव ब्रिज दत्त देखील उपस्थित होते. डॉल्फिन हॉटेल, सी ब्लॉक येथे पार पडलेल्या बैठकीदरम्यान, उल्हासनगर शहरातील नागरिकांना भेडसावणाऱ्या नागरी समस्यांचा त्यांनी विशेष उल्लेख केला. त्यांनी सांगितले की, “उल्हासनगरसारख्या महत्त्वाच्या शहरात अजूनही मूलभूत नागरी सुविधा अपुऱ्या आहेत. येत्या महानगरपालिका निवडणुकीसाठी काँग्रेस पक्ष पूर्ण ताकदीने सज्ज आहे.”

श्री व्यंकटेश यांनी स्थानिक पातळीवरील समस्या सोडवण्यासाठी आंदोलन छेडण्याचा सल्ला दिला व अशा आंदोलनांना महाराष्ट्र काँग्रेसकडून संपूर्ण पाठबळ देण्यात येईल, असे आश्वासन दिले.

या दौऱ्यात जिल्हाध्यक्ष रोहित साळवे यांच्या पुढाकाराने “काँग्रेस जनता निवारण कक्ष” या उपक्रमाची सुरुवात करण्यात आली. हा उपक्रम उल्हासनगरमधील पाच वेगवेगळ्या कॅम्पमध्ये सुरू करण्यात येणार असून उद्घाटन स्वतः श्री यू. बी. व्यंकटेश यांच्या हस्ते करण्यात आले.

या निवारण कक्षांमध्ये प्रत्येक बुधवारी दुपारी ३ ते ६ दरम्यान नागरिकांच्या महापालिका, प्रांत/तहसील कार्यालय, पोलिस, महावितरण, सेंट्रल हॉस्पिटल आदी विविध तक्रारींवर मार्गदर्शन व सहाय्य करण्यात येणार आहे.

निवारण कक्षांचे ठिकाण व संपर्क तपशील पुढीलप्रमाणे —

🔹 कॅम्प क्र. १: विठ्ठल संकुल, शहाड गावठाण, सेंचुरी स्टॉप गेट
📞 संपर्क: श्याम मडवी – 8308111787

🔹 कॅम्प क्र. २: ब्लॉक २९२, शॉप क्र. ९, अण्णाभाऊ साठे चौक, ओटी सेक्शन
📞 संपर्क: डॉ. हितेश सचवाणी – 8329242165

🔹 कॅम्प क्र. ३: नेहरू भवन, नेहरू चौक, फर्निचर बाजार
📞 संपर्क: श्री किशोर धडके

🔹 कॅम्प क्र. ४: विनायक अपार्टमेंट, बॅरेक क्र. १५८१/१, सेक्शन २७
📞 संपर्क: पवन मिरणी – 7498900900

🔹 कॅम्प क्र. ५: शॉप क्र. ४, शिव कॉलनी, ओटी सेक्शन
📞 संपर्क: महादेव शेलार – 7841037774

कार्यक्रमानंतर सर्व मान्यवरांनी खेमानी येथील डॉ. हितेश सचवाणी यांच्या निवारण कक्ष कार्यालयाला भेट दिली व त्यांना पुढील वाटचालीसाठी शुभेच्छा दिल्या.

या कार्यक्रमास उल्हासनगर काँग्रेस कमिटीचे सर्व प्रमुख पदाधिकारी, इच्छुक उमेदवार आणि कार्यकर्ते मोठ्या संख्येने उपस्थित होते.