अतिवृष्टीमुळे ठाणे जिल्ह्यातील शाळांना 26 जुलै 2024 रोजी सुट्टी जाहीर.

उल्हासनगर: नीतू विश्वकर्मा

ठाणे जिल्ह्यात कालपासून पडत असलेल्या मुसळधार पावसामुळे जिल्ह्यातील 1 ते 12 वी पर्यंतच्या सर्व शाळांना शिक्षण विभागातर्फे आज 26 जुलै 2024 रोजी सुट्टी जाहीर करण्यात आली आहे.

अतिवृष्टीमुळे शालेय विद्यार्थ्यांच्या येण्या जाण्याची गैरसोय होऊ शकते. याचा विचार करता विद्यार्थ्यांच्या सुरक्षिततेच्या दृष्टीकोनातून 1 ली ते 12 वी पर्यंतच्या प्राथमिक, माध्यमिक आणि उच्च माध्यमिक शाळांना सुट्टी जाहीर करण्यात आल्याची माहिती ठाणे जिल्हा परिषदेच्या शिक्षण विभागातर्फे देण्यात आली आहे.