शहाड ब्रिजवर आयशर ट्रकला भीषण आग, अग्निशमन दलाने दाखवली जलद कार्यवाही.
उल्हासनगर: नीतू विश्वकर्मा
दिनांक १६ सप्टेंबर, २०२४ रोजी रात्री ९:३० च्या सुमारास शहाड ब्रिज, अजमेरा टॉवर समोर उभा असलेल्या एका आयशर ट्रकमध्ये अचानक भीषण आग लागली. ही घटना घडताच परिसरात खळबळ उडाली.स्थानिक नागरिकांनी तातडीने अग्निशमन दलाला कळवले. दरम्यान, बिर्ला गेट स्थित आदर्श क्लब, गणेश मंडळाच्या सभासदांनी आपल्याकडे असलेले फायर एक्सटिंग्यूशर वापरून आग विझवण्याचा प्रयत्न केला.थोड्याच वेळात उल्हासनगर अग्निशमन दल, ग्रासीम सेंच्युरी कंपनी आणि कल्याण डोंबिवली अग्निशमन दलाच्या गाड्या घटनास्थळी दाखल झाल्या. त्यांनी वेळोवेळी प्रयत्न करून आगीवर नियंत्रण मिळवले.या घटनेत कोणतीही जीवितहानी झाली नाही. मात्र, ट्रक पूर्णतः जळून खाक झाला.
उल्हासनगर पोलीस ठाण्याचे वरिष्ठ पोलीस निरीक्षक श्री. ताम्हणे यांनी अग्निशमन दलाच्या कर्मचाऱ्यांचे आणि आग विझवण्यासाठी धावून आलेल्या सर्व नागरिकांचे आभार मानले.
