सप्टेंबर २०२३ मध्ये साज-या होणा-या गणेशोत्सवाच्या पूर्वतयारीचा आढावा घेणेसाठी प्रशासक तथा आयुक्त, उल्हासनगर महानगरपालिका यांचे अध्यक्षतेखाली उल्हासनगर महानगरपालिका येथे आढावा बैठक आयोजित करण्यात आली.
उल्हासनगर : नीतू विश्वकर्मा
माहे सप्टेंबर २०२३ मध्ये साज-या होणा-या गणेशोत्सवाच्या पूर्वतयारीचा आढावा घेणेसाठी दिनांक ११.०९.२०२३ रोजी प्रशासक तथा आयुक्त, उल्हासनगर महानगरपालिका यांचे अध्यक्षतेखाली स्थायी समिती सभागृह, उल्हासनगर महानगरपालिका येथे आढावा बैठक आयोजित करण्यात आली होती.
सदर बैठकीस (१) पोलीस उप आयुक्त, परिमंडळ-४, उल्हासनगर (२) अतिरिक्त आयुक्त, उल्हासनगर महानगरपालिका (३) सहायक पोलीस आयुक्त, उल्हासनगर (४) सहायक पोलीस आयुक्त, शहर वाहतुक शाखा (५) उप आयुक्त (मुख्यालय), उ.म.पा. (६) उप आयुक्त (आरोग्य) (पर्यावरण) उ.म.पा. (७) पोलीस अधिकारी/कर्मचारी, उल्हासनगर (८) सर्व प्रभाग अधिकारी, प्रभाग समिती क्र. १ ते ४. उ.म.पा. (९) कार्यकारी अभियंता, महाराष्ट्र राज्य विद्दत वितरण कंपनी मर्या. व इतर महापालिकेचे संबंधित अधिकारी उपस्थित होते.
महापालिका क्षेत्रात दिनांक १९ सप्टेंबर २०२३ ते दिनांक २८ सप्टेंबर, २०२३ या कालावधीमध्ये गणेशोस्तव शांतता, सलोख्याचे वातावरणात तसेच शासनाने व मा. उच्च न्यायालयाने दिलेल्या निर्देशानुसार व्यवस्थित पार पाडणेसाठी गणेशोस्तवाचे पूर्वतयारी तसेच उत्सव कालावधीत महापालिकेच्या सर्व संबंधित विभागप्रमुख तसेच प्रभाग अधिकारी यांचेवर जवाबदारी सोपविण्यात आली आहे.
उल्हासनगर महानगरपालिकेतर्फे सार्वजनिक गणेशोत्सव मंडळाना गणेश उत्सव साजरा करणेसाठी मंडप परवानगी मंजून करण्यात येत असते. मंडप परवानगीपोटी सार्वजनिक गणेशोत्सव मंडळाकडून रु. ५००/- + जी. एस. टी. एवढया शुल्काची आकारणी करण्यात येत असते. परंतु. सार्वजनिक गणेशोत्सव मंडळाना मंडप परवानगी मंजूर करतांना शुल्क आकारणी करु नये. याबाबत सर्व सहायक आयुक्त, प्रभाग समिती यांना आदेश देण्यात आले आहेत.
उल्हासनगर महानगरपालिकेतर्फे खालील गणेश विसर्जनासाठी कृत्रिम विसर्जन तलाव तयार करण्यात आलेली आहेत.
कृत्रिम विसर्जन तलावाचे ठिकाण
आय.डी. आय कंपनीजवळ, उल्हास नदी लगत संबंधित पोलीस स्टेशन उल्हासनगर ४२१००१, सेंच्युरी क्लब हाऊस जवळ, उल्हासनगर-४२१००१.हिराघाट, वोट क्लब, उल्हासनगर-४२२००३.संजय गांधी नगर, उल्हासनगर रेल्वे स्टेशन पश्चिम, उल्हासनगर ४२१००३. जिजामाता उद्यानाजवळ, नाना नानी गार्डन, उल्हासनगर-४२१००४. लाल चक्की चौक, उल्हासनगर- ४२१००४, कैलास कॉलनी चौक, उल्हासनगर- ४२१००५.
